 |
  |
  |
 |
 |
 |
 |
 |
 |
 |
 |
 |
 |
|||||||||||||||||
|
1. Երկինք-երկիր, արարածներ լուռ կացեք, Ճշմարտության խոսքին դուք ականջ դրեք, Իմ այս խոսքը սիրող Աստծո մասին է, Իմացեք, թե ով է նա, ինչպիսին է: 2. Միակն է նա, կա ճշմարիտ մեկ Աստված, Հայրը, Որդին և Սուրբ Հոգին մեկացած, Տիեզերքում նրա նման սուրբ չկա, Թագավորաց Թագավոր է և միշտ կա: 3. Սկզբումն էր Գոյը և Գոյն Աստված է, Ամեն գոյերն նրանով են գոյացել, Նրանով են ապրելու ուժ ձեռք բերում, Եւ նրանով իրենց վախճանը գտնում: 4. Նա հոգի է, և ինքնագո, իմաստուն, Հավիտենից անփոփոխ է և գիտուն, Ողջ տիեզերք նա ստեղծեց վեց օրում, Երկինք-երկիր և ինչ որ կա նրանցում: 5. Ամենուրեք է Աստված, ամենազոր, Իր ստեղծածներին հսկում է ամեն օր, Իր սուրբերի սրտում և հոգում է նա, Ամեն ստեղծված էակի հետ է նա: |
|||
|
|||
1. Մարդկանց ժողովք հավերժական, Տերն է կերտել քո ապագան, Հոժար կամքով դարձի եկած, Դեպի քո Արարիչ Աստված: Քրիստոս Տերը քեզ շատ սիրեց, Իր արյունով նա քեզ գնեց, Անթիվ մեղքերդ նա սրբեց Եւ Աստծո տաճար դարձրեց: Կրկ.- Եկեղեցի, - 2 անձեռակերտ տուն Արարչի, Հիսուսն է քո հիմնադիրը, Նույն ինքը քո հիմքն ու Տերը: 2. Նա փրկեց քեզ դատաստանից, Հավերժական կործանումից, Սեփականատերդ նա է Եւ հավիտյան քեզ կպահե: Դու Քրիստոսի մարմին և հարս, Նրա խոսքից չհեռանաս, Նա քո գլուխն է իմացիր, Հնազանդ ու խոնարհ եղիր: 3. Սյուն ես դու և հաստատություն, Աստվածային ճշմարտության, Քարոզիր դու խաղաղություն, Ավետարան Արքայության, Ուսուցանիր Աստծո կամքը, Որ հաստատվի արդար կյանքը, Որ փրկվեն մարդիկ մահից` Հավերժական դառ տանջանքից: 4. Քեզ համար է նոր երկինքը, Եդեմից լավ նոր երկիրը, Ուր չես սովի, չես ծարավի, Սուգ չես անի, չես տառապի: Նա կսրբի արցունքներդ Եւ կամոքի ողջ ցավերդ, Էլ չի լինի անգութ մահը, Դու կտեսնես Տիրոջ Գահը: |
|||
....Եկեղեցին Աստծո իրավունքի պատվիրանները ընդունում է որպես ճշմարտություն և հավիտյան մնայուն: ....Աստծո Օրենքը տրվեց, որ մարդը ճանաչի իրավունքն ու անիրավությունը, արդարությունն ու անարդարությունը: Առանց Օրենքի մարդը չէր ճանաչի իրավունքի և անիրավության սահմանագիծը: ....Օրենքը նման է մի սարքավորման, որը բացահայտում է եղածը: ....Խոսքն այն մասին չէ, թե Օրենքի հայտնությունով իբրև մարդը հեռու կմնա անիրավությունից և փրկություն ձեռք կբերի: Ո'չ, այլ որ բացահայտվի իրավունքը և անիրավությունը: Օրենքով եղավ անիրավության` մեղքի ճանաչումը: Ուստիև ով որ անիրավությամբ է վարվում Աստծո, մարդկանց և ամեն արարածների հետ, նա խախտում է Աստծո Օրենքը` նա մեղանչում է և արժանի է պատժի: Հռ.3:20; 7:7; 1Հովհ.3:4; 5:17; ....Օրենքի պատժից մարդը փրկվում է Տեր Հիսուս Քրիստոսի շնորհքով, ապաշխարելով և նրան հավատալով: |
|||
....1.Բացի ինձանից ուրիշ աստվածներ չունենա'ս:
....2. Քեզ համար կուռք չշինես, ո'չ վերը` երկնքում, կամ ցածը` երկրի վրա, կամ երկրի տակի ջրերում եղած մեկ բանի նմանությամբ: Նրանց երկրպագություն չանե'ս և նրանց չպաշտե'ս: ....3. Քո Տեր Աստծո անունը զու'ր տեղը չհիշես, որովհետև Տերը իր անունը զուր տեղը հիշողին անպատիժ չի թողնի: ....4. Հիշի'ր հանգստության օրը, վեց օր աշխատիր և քո բոլոր գործերն արա, բայց յոթերորդ օրը քո Տեր Աստծո հանգստության օրն է: Ոչ մի գործ չգործես, ո'չ դու, ո'չ քո որդին, ո'չ քո աղջիկը և ո'չ քո ծառան ու աղախինը, ո'չ քո անասունը, ո'չ էլ քո դռան օտարականը, որովհետև Տերը վեց օրվա մեջ արավ երկինքը, երկիրը, ծովն ու նրանց մեջ եղածները և յոթերորդ օրը հանգստացավ: Նրա համար Տերը օրհնեց հանգստության օրը և սրբեց նրան: ....5. Պատվի'ր քո հորը և մորը, որ քո օրերը երկարեն այն երկրի վրա, որ քո Տեր Աստվածը կտա քեզ:
|
|||
....Եկեղեցու նպատակն է մարդկանց ճանաչեցնել իրենց Արարիչ Աստծուն և նրա սերը, ինչպես նաև Աստծո օգնությամբ նպաստել մարդկանց, որ աճեն դեպի կատարյալ բարության և հասկացողության` որ է Աստծո պատկերը: |
|||
...........................................................................................