ՄԵՆՔ ՊԱՆԴՈւԽՏ ԵՆՔ |
Խոսք և երաժշտություն`
Միլազիմ Ռասոյանի
Երգիչ` Կարեն Թորոսյան
|
1. Մենք պանդուխտ ենք այս աշխարհում,
Կյանքն էլ ինչպես ճրագ վառվում,
Օրերն այսպես անցնում, գնում,
Մեր ճրագն էլ կամաց մարում:
2. Հազար տարի թեև ապրես,
Ոսկի արծաթով պարուրվես,
Կյանքդ կանցնի կծերանաս,
Սառը հողին հյուր կգնաս:
3. Գոլորշու պես տարիներն են,
Ուտել-խմելն էլ ունայն են,
Առողջ կյանքի հույս չի մնա,
Ցավ, տառապանք կշատանա:
4. Մի՞թե սա է մարդու կյանքը,
Ո՞րն է լավ կյանքի գաղտնիքը,
Ասեք ինչպե՞ս մահին հաղթեմ,
Ու կենաց աղբյուրին հասնեմ:
5. Աստծո Որդին` Հիսուսն հաղթեց,
Այս հարցերին լուծում տվեց,
Խաչի մահով, մահը զավթեց,
Ու հարությունը հաստատեց:
6. Ով հավատա ապաշխարի,
Հիսուսի գործը ընդունի,
Թեև մեռնի, նա կհառնի,
Աստծո հետ երջանիկ կապրի:
Թեև մեռնի, նա կհառնի,
Արքայություն կժառանգի:
|
|
Խոսք և երաժշտություն`
Միլազիմ Ռասոյանի
Երգիչ` Կարեն Թորոսյան
|
1.Երկինք-երկիր, արարածներ լուռ կացեք,
Ճշմարտության խոսքին դուք ականջ դրեք,
Իմ այս խոսքը սիրող Աստծո մասին է,
Իմացեք, թե ով է նա, ինչպիսին է:
2.Միակն է նա, կա ճշմարիտ մեկ Աստված,
Հայրը, Որդին և Սուրբ Հոգին մեկացած,
Տիեզերքում նրա նման սուրբ չկա,
Թագավորաց-Թագավոր է և միշտ կա:
3.Սկզբում էր Գոյը և Գոյն Աստված է,
Ամեն գոյերն նրանով են գոյացել,
Նրանով են ապրելու ուժ ձեռք բերում,
Եւ նրանով իրենց վախճանը գտնում:
4.Նա հոգի է, և ինքնագո, իմաստուն,
Հավիտենից անփոփոխ է և գիտուն,
Ողջ տիեզերք նա ստեղծեց վեց օրում,
Երկինք-երկիր և ինչ որ կա նրանցում:
5.Ամենուրեք է Աստված, ամենազոր,
Իր ստեղծածներին հսկում է ամեն օր,
Իր սուրբերի սրտում և հոգում է նա,
Ամեն ստեղծված էակի հետ է նա:
|
|
Հոգևոր երգարան
Երգիչ` Կարեն Թորոսյան
|
1.Ով Տեր, քո խոսքով մեզ ստեղծեցիր,
Դու հաստատեցիր երկինք, երկիրը,
Որքան եմ սիրում ես քո օրենքը,
Այն է ամեն օր իմ մտածմունքը:
2.Օրհնեցե՜ք, Տերը, ով բոլոր ազգեր,
Գովեցեք նրան, ով ժողովուրդներ,
Նեղությանս մեջ Տիրոջ կանչեցի,
Ու Տերը պատասխան տվեց ինձի:
3.Լսե՜ք, այս խոսքը, ով բոլոր ազգեր,
Ու ականջ դրե՜ք, ով ժողովուրդներ,
Աստված մեզ համար Փրկիչ ուղարկեց,
Որը իր կյանքը մեզ համար զոհեց:
4.Հիմա մոտեցե՜ք շնորհաց աթոռին,
Եւ շնորհք առեք ճիշտ ժամանակին,
Հիսուս Փրկիչ է համայն աշխարհի,
Համբերող Աստված սպասում է ձեզի:
|
|
Խոսք և երաժշտություն`
Միլազիմ Ռասոյանի,
Երգիչ` Կարեն Թորոսյան
|
1.Հայր մեր երկնային, անունդ սուրբ լինի,
Արքայությունդ գա, թող քո կամքը լինի,
Ինչպես որ երկնքում` այնպես էլ երկրի վրա:-2
2.Մեր ամենօրյա հացը, այսօր էլ մեզի տուր,
Եւ մեզի ներիր, մեր ամեն պարտքերը,
Ինչպես մենք ենք ներում,
Մեր
պարտականներին:-2
3.Ու մեզի դեպի փորձության մի տանիր,
Հապա չարիցը, դու մեզի ազատիր,
Որովհետև քոնն է թագավորությունը,
Զորությունն ու փառքը հավիտյան. Ամեն:
|
|
Հոգևոր երգարան
Երգիչ` Կարեն Թորոսյան
|
1.Զղջացել եմ Տեր Աստված,
Ներիր մեղքերս բոլոր,
Ձեռքս բռնիր Տեր Աստված,
Կորած գառդ եմ մոլոր:
Կրկ. - Զղջացել եմ Տեր Աստված, - 2
Գալիս եմ դուռդ օրհնյալ,
Զղջացել եմ Տեր Աստված:
2. Խառնաշփոթ է հոգին,
Ինչ որ բան է կատարվում,
Թախիծն է պատել սրտիս
Ու հոգիս է արտասվում:
3.Էլ չեմ ուզում, որ մեղքին,
Գերի լինելով ապրում,
Թող, որ գրկիդ մեջ հանգչեմ,
Սերդ ամենին պատմեմ:
4.Դու կտաս ինձ հաղթություն
Անձիս,
մեղքի, մահի դեմ,
Խառնաշփոթ այս կյանքս
Կդարձնես մի Եդեմ:
|
|
|
|
|
ԱՍՏՎԱԾԱՇՈւՆՉ |
Խոսք` Միլազիմ Ռասոյանի
Երաժշտություն` ժողովրդական
Երգիչ` Կարեն Թորոսյան
|
1. Իր մեջ ունի պատմություններ,
Սուրբ Օրենքներ ու կանոններ,
Իմաստություն ու գիտություն,
Մարգարեություն և ուսուցում:
Այդ թերթերով Տերն է խոսող,
Ակը զուլալ, ջուրը հոսող,
Սուրբ Հոգու միտք մարդկանց բերնով,
Կյանք է տվել նա դարերով: - 2
Աստվածաշո՛ւնչ - 2
2. Կատարյալ է և անթերի,
Մխիթարանք` կյանք սրտերի,
Տրվել է, որ լինի անմերժ,
Ու կյանք տա նա մարդկանց հավերժ:
Հազարամյակներ են անցել,
Մարդկանց առջև դուռ է բացել,
Որ Աստծո խոսքին հավատան,
Կատարյալ ու անբիծ դառնան: - 2
Աստվածաշո՛ւնչ - 2
|
ԵՍ ԼՍԵԼ ԵՄ ԻՆՁ ՍԻՐՈւՄ ԵՍ
Խոսք և երաժշտություն`
Միլազիմ Ռասոյանի
Երգիչ` Կարեն Թորոսյան
1. Ես լսել եմ ինձ սիրում ես Տեր Հիսուս Փրկիչ,
Եւ ուզում ես որ ինձ փրկես դու իմ Արարիչ:
Ես էլ քո կարիքն ունեմ դու ինքդ գիտես: - 4
2. Հիսուս իմ Տեր մեղավոր եմ, մեղքերս ծով են,
Բայց ես գիտեմ քո արյունով քավություն ունեմ:
Ես խնդրում եմ որ ինձ մաքրես ու ինձ սուրբ անես:-4
3. Հիսուս Տերը ձայնս լսեց, ու ինձ ողորմեց,
Իր արդարությամբ իմ Տերը, ինձ արդարացրեց:
Այժմ ես նրա զավակն եմ, իր ժառանգորդն եմ: - 4
|
|
Խոսք և երաժշտություն`
Միլազիմ Ռասոյանի
Երգիչ` Կարեն Թորոսյան
|
1.Հիսուսն Աստծո բնությամբ էր,
Ամեն ինչով Հոր նման էր,
Բայց իր փառքով չզմայլվեց,
Մարդացավ ու շատ խոնարհվեց:
Իջավ երկիր ունայնացավ,
Ծառայի բնություն ստացավ,
Իր խաչով նա ճամփա հարթեց,
Հայրն էլ նրան շատ բարձրացրեց:
2.Հիսուս անունը փառավորեց,
Իր զորությամբ հրամայեց,
Որ ամեն ծունկ պիտի ծռվի,
Ճշմարտությունը դավանի:
Որ Հիսուսն Աստծո Որդին է,
Դատաստանից Ազատողն է,
Ասա դու ես Աստծո փառքը,
Իմ Փրկիչը և իմ կյանքը:
|
|
Խոսք և երաժշտություն`
Միլազիմ Ռասոյանի,
Երգիչ` Կարեն Թորոսյան
|
1.Մարդկանց ժողովք հավերժական,
Տերն է կերտել քո ապագան,
Հոժար կամքով դարձի եկած,
Դեպի քո Արարիչ Աստված:
Քրիստոս Տերը քեզ շատ սիրեց,
Իր արյունով նա քեզ գնեց,
Անթիվ մեղքերդ նա սրբեց
Եւ Աստծո տաճար դարձրեց:
Կրկ. - Եկեղեցի, – 2 անձեռակերտ տուն Արարչի,
Հիսուսն է քո հիմնադիրը,
Նույն ինքը քո հիմքն ու Տերը:
2.Նա փրկեց քեզ դատաստանից,
Հավերժական կործանումից,
Սեփականատերդ նա է
Եւ հավիտյան քեզ կպահե:
Դու Քրիստոսի մարմին և հարս,
Նրա խոսքից չհեռանաս,
Նա քո գլուխն է իմացիր,
Հնազանդ ու խոնարհ եղիր:
3.Սյուն ես դու և հաստատություն,
Աստվածային ճշմարտության,
Քարոզիր դու խաղաղություն,
Ավետարան Արքայության,
Ուսուցանիր Աստծո կամքը,
Որ հաստատվի արդար կյանքը,
Որ փրկվեն մարդիկ մահից`
Հավերժական դառ տանջանքից:
4.Քեզ համար է նոր երկինքը,
Եդեմից լավ նոր երկիրը,
Ուր չես սովի, չես ծարավի,
Սուգ չես անի, չես տառապի:
Նա կսրբի արցունքներդ
Եւ կամոքի ողջ ցավերդ,
Էլ չի լինի անգութ մահը,
Դու կտեսնես Տիրոջ Գահը:
|
|
Խոսք և երաժշտություն`
Նորայր Ճաղարյանի,
Երգիչ` Կարեն Թորոսյան
|
1.Գիտե՞ք ով է հեղինակը ձեր այսօրվա միության,
Գիտե՞ք ով է դրել կարգը ձեր այսօրվա մեկացման,
Նայեք համարձակ երկնքին փառավորեք Հիսուսին,
Ձեռք պարզելով իր սուրբ գահին -
Նայեք ձեր կյանքի հույսին: - 2
Կրկ. - Զույգն եք դուք մեր սիրելի,
Պատճառն եք այս երգերի,
Գիտեք որ ձեզ է նայում
Սուրբ աչքերը Բարձրյալի:
2.Կառուցեք ձեր սիրո տունը Տեր Հիսուս վեմի վրա,
Եթե կուզեք որ ձեր տունը մինչև հավիտյան մնա:
Եթե ապրեք դուք ձեր կյանքը Տեր Հիսուսի խոսքերով,
Կգնաք երկնային տունը - ուրախ զվարթ երգերով: -2
1.Տոն է այսօր մեզ համար Հիսուսն է ներկա,
Օրհնեց նա մեր այս զույգին կերտեց ապագան,
Տվեց մեզ ուրախություն, նաև օրհնություն,
Թե ուրախ ես եկ մեզ հետ փառք տուր Աստծուն:
Կրկ. - Տեր ջան օրհնիր քո սիրով, դու քո այս զույգին,
Առաջնորդիր քո փառքով տունը երկնային,
Հովիվ եղիր քո սիրով, դու քո գառներին,
Առաջնորդիր քո փառքով, տունը երկնային:
2.Եթե թուլանան հանկարծ, զորացրու նրանց,
Նեղությունների մեջ Տեր, չընկճվերն հանկարծ,
Հավատքով քեզի նայեն ու հույսով ցնծան,
Ու երկնային աչքերով տեսնեն ապագան:
3.Եկեղեցին սուրբ հարսն է, մեր Տեր Հիսուսի,
Մեր զույգն էլ օրինակն է, երկնային հույսի,
Շուտով մեր Տերը կգա, իր հարսին տանի,
Ով որ այդ խմբի մեջ է, նրան երանի:
|
|
