|
 |
 |
| |
Եկեղեցին Հիսուս Քրիստոսին դարձած հավատացողների միաբան ժողովքն է` կանչված և առանձնացված Աստծո համար` նրա գլխավոր նպատակին հասնելու` Հիսուս Քրիստոսին նմանվելու:
,,,,Եւ ամեն դարերում եկեղեցին պետք է Արքայության Ավետարանը քարոզի և ուսուցանի (առանց ավելացնելու և պակասեցնելու), կատարի մկրտություն` Հոր, Որդու և Սուրբ Հոգու անունով և Տերունական ընթրիք:
|
,,,Այս թեման կուսումնասիրենք վեց բաժիններով.
|
1. ԵԿԵՂԵՑԻ ԲԱՌԻ ԻՄԱՍՏՆ Ու ԿԻՐԱՌՈւԹՅՈւՆԸ
|
Եկեղեցի բառը տառադարձումն է հունարեն ՙէկկլեսա՚ բառի, որը նշանակում է մարդկանց ժողովք: Նոր Կտակարանի հունարեն բնագրում այս արտահայտությունը գործածված է տարբեր ժողովների համար (օրինակ` հրեական ծերերի կամ մարդկանց որևէ միության համար): Սակայն այս թեմայում խոսելու ենք Քրիստոսին հավատացողների ժողովքի մասին: Աստված մարդկանց կանչել է հատուկ նպատակով` անջատվելու մեղսալից աշխարհից, լինելու Աստծո սեփական ժողովուրդը` նրան պաշտող: Նոր Կտակարանում եկեղեցու հիմնադրման մասին խոսել է անձամբ Տեր Հիսուս Քրիստոսը. ՙ18բ …այդ վեմի վրա կշինեմ իմ եկեղեցին և դժոխքի դռները չեն հաղթի նրան՚: Մտթ.16:18բ;
,,,Այսպիսով, Նոր Կտակարանում ՙեկեղեցի՚ արտահայտությունը վերաբերվում է Քրիստոս Հիսուսին հավատացողների ժողովքին, և այսօր այս արտահայտությունը գործածվում է.
,,,• Աշխարհագրական իմաստով (օրինակ` Կորնթոսի եկեղեցի, Եփեսոսի եկեղեցի և այլն): 1Կոր.1:2; Հայտ.2:1,8;
,,,• Տնային եկեղեցի` կապված տներում հավաքվելու հետ: Հռ.16:5;
,,,• Քրիստոսի տիեզերական եկեղեցի` Քրիստոնեական բոլոր եկեղեցիները միասին վերցված` թե´ անցյալի, թե´ ներկայի և թե´ ապագայի ժողովքները: Այսպիսով, ներկայիս եկեղեցին մասն է կազմում ամբողջական եկեղեցու: Եփ.1:22,23; Կող.1:18,24;
,,,Հարկ է նշել, որ Հին Ուխտում իսրայել ժողովուրդը հանդիսանում էր նորկտակարանյան եկեղեցու նախակերպարը` կանչված, զատված բոլոր ազգերից` որպես Աստծո սեփական ժողովուրդ` նրա ծրագրերի համար: 2Օր.4:20; 1Պետ.2:9;
,,,Եկեղեցին Քրիստոս Հիսուսին հավատացողների միաբան ժողովքն է` կանչված և առանձնացած Աստծո համար: Եկեղեցին մարդկանցից բաղկացած այն կառույցն է, որին ծնունդ տվողը, հիմնադրողը և կառուցողը Աստված է: Մտթ.16:18; 1Կոր.12:13; 1Պետ.2:4-10;
|
|
2. Ո՞Վ Է ՔՐԻՍՏՈՍԸ ԵԿԵՂԵՑՈւ ՀԱՄԱՐ
|
,,,,,,,,,Ա. ՔՐԻՍՏՈՍԸ ԵԿԵՂԵՑՈւ ՍԵՓԱԿԱՆԱՏԵՐՆ Է
,,,Մտթ.16:16-18; Նա եկեղեցու սեփականատերն է, որովհետև իր արյունով գնեց եկեղեցին: Գործք.20:28; Հայտ.5:9; Հետևաբար` ո´չ ոք եկեղեցու նկատմամբ սեփականատիրական վարմունքի իրավունք չունի` ո´չ եկեղեցում ծառայողները, ո´չ Սատանան և ո´չ էլ ուրիշ մեկը, բացի Տեր Հիսուս Քրիստոսից: Տկար լինի եկեղեցին, թե զորավոր, միևնույն է, այն պատկանում է Տեր Հիսուսին. նա իրավունքով սեփականատեր է և ոչ թե տնտես կամ գործադիր տնօրեն:
,,,Թեև Տերը մեռավ մեր մեղքերի համար, բայց երրորդ օրը հարություն առավ, և մահը այլևս չի տիրի նրան: Եւ քանի որ նա կենդանի է հավիտյան, ապա իր ծրագրերը կհասցնի ավարտին: Ուստի նա իր եկեղեցու ապագան և իր ծրագրերի իրագործումը չի ավանդել որևէ մեկին: Հետևաբար` եկեղեցին որպես Քրիստոսի մարմին, պետք է ամեն ժամանակներում առաջնորդվի նրա ծրագրերով և որոշումներով: Օրինակ` աշխարհում եղել են առաջնորդներ, որոնք ծրագրեր են կազմել, սակայն մահվան պատճառով դրանք չեն հասցրել ավարտին: Եւ նրանցից հետո իրենց հետևորդներն են շարունակել այդ ծրագրի ընթացքը: Սակայն, ի տարբերություն նրանց, Քրիստոսի հետևորդները նրա կենդանի ներկայությամբ են նրա ծրագրով աշխատում: Գործք.26:16-18; Հռ.14:11;
|
,,,,,,,,Բ. ՔՐԻՍՏՈՍԸ ԵԿԵՂԵՑՈւ ՀԻՄՆԱԴԻՐՆ Է
,,,Մտթ.16:18; Ինչպես նշվեց` մարդիկ, հրեշտակները կամ ուրիշ արարածները չեն հիմնել եկեղեցին, այլ Քրիստոս Հիսուսն ինքն անձամբ: Եւ Աստված է այս շինությունը պահպանում ու մեծացնում:
,,,1Կոր.3:9,10-ում Պողոս առաքյալը գրում է, որ նա իմաստուն ճարտարապետի նման հիմք դրեց: Սակայն չպետք է կարծել, թե Պողոսն իրեն է վերագրում հիմնադիր լինելու հեղինակությունը, այլ նա Աստծո պատրաստած փրկության հիմքը` Քրիստոսի Ավետարանը, հասցրեց մարդկանց: Իսկ ընդունողներին Քրիստոսն է հիմնում և հաստատում կյանքի մեջ:
|
,,,,,,,Գ. ՔՐԻՍՏՈՍԸ ԵԿԵՂԵՑՈւ ՀԻՄՔՆ Է
,,,Ինչպես ցանկացած կառույց հիմք ունի, այդպես էլ եկեղեցին հիմնված և հաստատված է Քրիստոսի վրա: 1Կոր.3:11;
Մտթ.16:18-ում Տերը Սիմոնին ոչ թե հիմք անվանեց, այլ Պետրոս, այսինքն քար, որը պետք է Քրիստոս հիմքի վրա հիմնվեր և հաստատվեր իր դավանության պես, իսկ մնացած քարերը պետք է դրվեն իրար վրա (ինչպես տունն է կառուցվում քարը քարի վրա դրվելով): Եկեղեցին պետք է տեսնի իր կատարյալ ամրությունը և անշարժությունը ու վստահ լինի իր ապագայի համար, որ ոչինչ չի կարող հաղթել իրեն, քանի որ իր հավատքի հիմքը հաստատուն վեմ է` հավիտյան անշարժ, և ժամանակների ցնցումները չեն կարող նրա վրա ազդել: Մտթ.7:24,25; Հռ.8:39; Փլպ.1:6; Եբ.10:35;
,,,Ուրիշ որևէ անձ կամ որևէ բան եկեղեցին չպետք է ճանաչի իր համար որպես հիմք: Այն եկեղեցին, որը Տիրոջ վրա չի հաստատված, նման է ավազի վրա կառուցված տան, որը ժամանակի փորձությանը չի դիմանալու` կործանվելու է:
|
,,,,,,Դ. ՔՐԻՍՏՈՍԸ ԵԿԵՂԵՑՈւՆ ԴԺՈԽՔԻ ԶՈՐՈւԹՅՈւՆԻՑ ԱԶԱՏՈՂՆ Է
,,,Մտթ.16:18,19; Նա հաղթեց խավարին և այդ հաղթությունը շնորհեց իր եկեղեցուն: Եկեղեցին մասնակից է երկնային իշխանությանը և հաղթությանը` կապելու և արձակելու: Մտթ.18:18; Ղուկ.10:19; Հովհ.16:33; 20:23; 1Կոր.15:57; Եփ.2:5,6;
,,,Տերը իր իշխանության բանալին տալիս է նաև իր ընտանիքի անդամներին, որպեսզի օգտագործեն այն խավարի դեմ մղվող պատերազմում, Աստծո Արքայությունը տարածեն զորությունով, օժտված լինեն Աստծուց լիազորված իշխանությունով և իրավունքով, որը պարտության է մատնել Չարին:
|
|
3. ԵԿԵՂԵՑՈւ ՈՐՈՇ ԱՆՎԱՆՈւՄՆԵՐԸ ԵՎ ԴԻՐՔԸ ՔՐԻՍՏՈՍԻ ՆԿԱՏՄԱՄԲ
,,,Նոր Կտակարանում եկեղեցուն տրվում է մի շարք անուններ, որոնցով էլ ավելի հասկանալի է դառնում եկեղեցու էությունը և նրա հետ կապված նպատակը: Թվարկենք դրանցից մի քանիսը.
|
,,,,,,Ա. ԵԿԵՂԵՑԻՆ ՔՐԻՍՏՈՍԻ ՄԱՐՄԻՆՆ Է - Եփ.1:22,23; Կող.1:18;
,,,Այս անվանումից երևում է, որ եկեղեցին այն դերն է կատարում Քրիստոսի համար, ինչը մարմինը գլխի համար. նա ղեկավարվում և հրահանգավորվում է Քրիստոսից: Նրանով է Քրիստոսի ծրագրերը իրականանում երկրի վրա: Եկեղեցին մարմնից և արյունից չի առաջնորդվում, այլ Աստծուց, և միայն այս դեպքում է, որ նա հոգևոր աճ կունենա: Մտթ.16:17; 1Կոր.12:3;
,,,Ոչ թե եկեղեցին է առաջնորդում Տիրոջը, այլ Տերը` եկեղեցուն: Եկեղեցին չպետք է ինքնուրույն որոշումներ ու ծրագրեր կազմի և դնի Տիրոջ առջև, իբրև Տերն էլ հաստատի (դա սխալ է), այլ պետք է աղոթել, որ Տիրոջ որոշումները, ծրագրերը և առաջնորդությունները հասկանալի լինեն և դրվեն եկեղեցում:
,,,Քանի որ եկեղեցին Քրիստոսի մարմինն է, ուստի նրա հետ ապրելու է հավիտյան` ժառանգելով այն ամենը, ինչ որ Քրիստոսն ունի: Եփ.1:18-23;
|
,,,,,Բ. ԵԿԵՂԵՑԻՆ ԱՍՏԾՈ ՏԱՃԱՐՆ Է` ԱՍՏԾՈ ՏՈւՆՆ Է - Եփ.2:20-22;
,,,Հին Ուխտում Աստծո տաճարն այն վայրն էր, որտեղ ակնհայտ էր Աստծո ներկայությունը. այդ տեղում մշտական Աստծո պաշտամունք կար: Աստված վերցրեց քարեղեն տաճարը և կառուցեց իր կենդանի տաճարը` եկեղեցին, որը և հանդիսացավ վերը նշված վայրը, ուր ակնհայտ է Աստծո ներկայությունը:
,,,Եկեղեցին Տիրոջ օրհնյալ և հաճելի սերունդն է: 1Պետ.2:9,10;
,,,Մտթ.16:17-ում ՙԵրանի՚ խոսքը ցույց է տալիս, որ Քրիստոսը հաճեց Պետրոսի դավանությունը և օրհնեց: Նմանապես Աստծո տան անդամները այսպիսի դավանություն ունեն:
|
,,,,,Գ. ԵԿԵՂԵՑԻՆ ՔՐԻՍՏՈՍԻ ՀԱՐՍՆ Է - Եփ.5:22-27; Հայտ.19:7,8;
,,,Այս անվանումը նունպես ցույց է տալիս Քրիստոսի և եկեղեցու փոխհարաբերությունը և հաղորդակցությունը` այն նմանեցնելով փեսայի և հարսի փոխհարաբերությանը` անձնազոհ սիրուն, նվիրվածությանը, հավատարմությանը, հնազանդությանը, կյանքով և նպատակներով մեկ լինելուն և այլն:
|
,,,,,Դ. ԵԿԵՂԵՑԻՆ ՃՇՄԱՐՏՈւԹՅԱՆ ՍՅՈւՆՆ Ու ՀԱՍՏԱՏՈւԹՅՈւՆՆ Է - 1Տիմ.3:15,16;
,,,Աշխարհում աստվածաշնչային ճշմարտությունները պահպանված, հիմնված և կանգուն են Քրիստոսի եկեղեցիով: ,,,Եկեղեցին ոչ միայն պետք է պահի այս ճշմարտությունը, այլ նաև այն պաշտպանի զանազան խեղաթյուրումներից. նա պետք է իր հավատքի դավանությունն ունենա և պահպանի այն: Մտթ.16:16; Հռ.10:9,10; Եբ.4:14; 10:23; 13:15; Հայտ.12:11;
,,,Տիրոջ երկրի վրա եղած օրերում շատերը Հիսուս Քրիստոսի դիրքը ցածրացրել էին, իսկ Պետրոսը ճշմարիտ դավանություն արեց: Աշխարհը նսեմացնում է Տեր Հիսուս Քրիստոսին տարբեր խեղաթյուրված մարմնավոր դավանությունով, սակայն եկեղեցին պետք է արժանի, ճշմարիտ հավատքի դավանությունով ցույց տա Տեր Հիսուս Քրիստոսի ով լինելը: Եւ դա շատ կարևոր է, քանի որ ճշմարիտ ճանաչողությունից է բխում ճշմարիտ հավատքը և դավանությունը, որի ժամանակ Տերը օրհնյալ հաղորդակցություն է ստեղծում եկեղեցու հետ և աճեցնում նրան:
,,,Նշենք, որ եկեղեցուն տրվում են այլ անուններ ևս: Օրինակ` Մայր եկեղեցի - Գաղ.4:26,27; Երկնային Երուսաղեմ - Հայտ.21:2,9-11; սա ցույց է տալիս, որ այն Աստծո զավակների օրրանն է, որտեղ նրանք մայրական խնամքով և գուրգուրանքով են շրջապատված, ինչպես նաև եկեղեցին Տիրոջ` Թագավորների Թագավորի հոգևոր նստավայրն է` Թագավորանիստ քաղաքը` Աստծո Երկնային Թագավորությունը երկրի վրա:
|
|
4. ԵԿԵՂԵՑՈւՆ ԱՆԴԱՄԱԿՑԵԼԸ ԵՎ ԱՐԱՐՈՂԱԿԱՐԳԵՐԸ
|
,,,,,,,Ա. ԵԿԵՂԵՑՈւՆ ԱՆԴԱՄԱԿՑԵԼՈւ ԿԱՐԳԸ
,,,Քրիստոսի եկեղեցուն անդամակցելը նախ Քրիստոսի հետ մեկացումն է վերստին ծննդով: Սա հանդիսանում է եկեղեցուն անդամակցելու հոգևոր անտեսանելի կողմը: Հովհ.14:23; 1Կոր.6:17; Գաղ.6:15; Եփ.3:17; 4:4;
,,,Եկեղեցուն անդամակցելու հոգևոր կողմին պետք է հետևի նաև եկեղեցուն անդամակցելու գործնական` տեսանելի կողմը: Դա այն է, երբ վերստին ծնված մարդը, ջրով մկրտվելով, միանում է որևէ տեղական եկեղեցու: Գործք.2:37-42,47;
,,,Պետք է նշել, որ եկեղեցուն անդամակցելու հերթականությունը խիստ կարևոր է. նախ` վերստին ծնունդ, հետո` մկրտություն, քանի որ վերստին չծնված մարդը չի կարող համարվել եկեղեցու անդամ:
|
,,,,,,,Բ. ԵԿԵՂԵՑՈւ ԱՐԱՐՈՂԱԿԱՐԳԵՐԸ
,,,Աստծո խոսքի մեջ տեսանելի են հիմնական և կարևորագույն երկու արարողակարգեր, որոնց մեջ կան խորհուրդներ, որոնք անձամբ Տեր Հիսուս Քրիստոսի ձեռքով տրվեցին եկեղեցուն: Դրանք են.
,,,Բ.1. ՋՐՈՎ ՄԿՐՏՈւԹՅՈւՆԸ
,,,Բ.2. ՏԵՐՈւՆԱԿԱՆ ԸՆԹՐԻՔԸ
,,,Սրանք կոչվում են խորհուրդներ, քանի որ խորհրդանշում և ներկայացնում են Քրիստոսի խաչի փրկագործությունը խորհրդապատկերով: Սակայն դրանք ավելի մանրամասնորեն կներկայացնենք համապատասխան թեմաներում:
|
5. ԵԿԵՂԵՑՈւ ԱՌԱՔԵԼՈւԹՅՈւՆԸ
Եկեղեցին պետք է փափագի, որ Տիրոջ թագավորությունը և ղեկավարությունը երկրի վրա էլ հաստատվի, և ամեն մարդ Աստծուն երկրպագի և ամեն ինչում մարդկությունը, պետությունները, տերությունները, թագավորությունները և իշխանությունները հնազանդվեն Բարձրյալի դրած կարգ ու կանոններին: Ես.33:22; Մտթ. 6:9-13;
,,,Եկեղեցու գլխավոր նպատակն է` եկեղեցում իրականանա Աստծո գլխավոր նպատակը. եկեղեցու անդամները պետք է Աստծո և նրա Որդի Հիսուս Քրիստոսի պատկերի նմանության մեջ աճեն` նրան նմանվեն: Ծն.1:26,27; Մտթ.5:48; Հռ.8:29; Եփ.4:13; Կող.3:10-14;
,,,Եւ Եկեղեցին իր առջև դրված վերը նշված նպատակը իրականացնելու համար ունի հետևյալ երեք առաքելությունները.
|
Ա. ՃԱՆԱՉԵԼ ԵԿԵՂԵՑՈւՄ ԱՍՏԾՈւՑ ԵՂԱԾ ՊԱՐԳԵւՆԵՐԸ
,,,Տիրոջը կատարյալ հնազանդությամբ ծառայելու համար եկեղեցում պետք է ճանաչել Աստծուց եղած պարգևները, որպեսզի այդ ծառայությունները կատարվեն նրա պարգևի չափով և նրանից ուղարկված լինելով և ոչ թե ինքնագլուխ: Հռ.10:15; 12:3-8; 1Թսղ.5:12;
|
Բ. ԱՎԵՏԱՐԱՆԸ ՃԱՆԱՉԵՑՆԵԼ ԱՇԽԱՐՀԻՆ
,,,Եկեղեցին պետք է Աստծո կամքով Ավետարանի քարոզչությամբ կորսվող մարդկանց կանչի փրկության: Մտթ.28:19; 1Պետ.2:9;
|
Գ. ՆՊԱՍՏԵԼ ԱՊԱՇԽԱՐԱԾՆԵՐԻ ԱՃԻՆ
,,,Բացի աշխարհին Ավետարանը քարոզելուց, եկեղեցում նույնպես ծառայություններ պետք է լինեն` Աստծո տված պարգևներով, որպեսզի Տիրոջը ընտրած մարդիկ աճեն դեպի կատարելություն` հասնեն Քրիստոսի նմանության: Մտթ.28:20; 1Կոր.14:26; Եփ.4:11-16; Կող.1:28; 3:16;
|
|
6. ԵԿԵՂԵՑՈւ ԱՌԱՋՆՈՐԴՈւԹՅԱՆ ԿԱՐԳԸ
Եկեղեցին` Աստծո ժողովուրդը, պետք է առաջնորդվի այն կարգ ու կանոններով, որոնք Աստված է որոշել, որ իր ժողովրդին դրանցով առաջնորդի: Ուստիև այդ կարգ ու կանոնները պետք է ուսուցանվեն եկեղեցում: Առակ.1:7; Մտթ.28:19,20; Եբ.5:12;
,,,Այս առաջնորդության վերաբերյալ քննարկենք երեք բաժիններ.
|
Ա. ԵԿԵՂԵՑՈւ ԱՌԱՋՆՈՐԴՈՂ ԿԱԶՄԸ
,,,Այս բաժինը կուսումնասիրենք առանձին երեք ենթաբաժիններով.
|
Ա.1. Ովքե՞ր կարող են լինել առաջնորդող կազմի մեջ
Աստված ինքը լինելով Եռամիասնություն, իր ամեն գործերը գործում է Եռամիասնությամբ և ոչ թե միանձնյա: Եկեղեցում էլ պետք է պաշտոնյաների միաբանված կառավարություն լինի, ոչ թե միանձնյա: Առակ.11:14; 15:22; 24:3-6;
,,,Ծրագիրը մեկն է, սակայն ամեն անձ իր ծառայությունն ունի: Ծն.2:18; Ել.3:18; Թվ.11:14-16; Սաղ.133:1-3; Եփ.4:11-16;
,,,Այս կազմի անդամները պետք է հոգևոր պաշտոնյաներ լինեն և, միևնույն ժամանակ, ճանաչված լինեն եկեղեցու գործող անձնակազմի կողմից` սուրբ գրային չափանիշերով և ընտրությամբ հաստատվեն: Ըստ Սուրբ Գրքի` ընտրությունը պետք է լինի բաց` հայտնի ընտրություն: ՙԳործք Առաքելոց՚ գրքում հենց սկզբից տեսնում ենք, որ Հուդայի փոխարեն մարդիկ ընտրեցին Բարսաբային և Մատաթիային, իսկ անհայտ մասը թողեցին Տիրոջ հայտնությանը: Գործք.1:15-17,21-26; 6:3;
|
Ա.2. Առաջնորդող կազմի պարտականությունները
,,,• Առաջնորդող կազմը պետք է առաջնորդի եկեղեցուն` Աստծո խոսքով և Սուրբ Հոգով: Հովհ.5:24; 6:64; 16:13; Հռ.8:12-14; 1Կոր.2:13; Գաղ.5:18;
,,,• Առաջնորդող կազմի առաքելությունն է, որ նա Տիրոջ վարդապետությունով կրթի եկեղեցին, և Ավետարանը հասցնի աշխարհին: Մտթ.28:19; Գործք.15:35; Եփ.4:11,12;
,,,• Եկեղեցու առաջնորդող կազմը պետք է յուրաքանչյուր նոր ծրագրերն ու նոր վարդապետությունները ներկայացնի եկեղեցու գործող անձնակազմին` մինչ դրանց գործի դնելը, և սպասի գործող անձնակազմի որոշմանը: 1Մնաց.13:1-4; Գործք.1:15,16,21-23; 4:23,24;
|
Ա.3. Առաջնորդող կազմի իրավունքները
,,,• Առաջնորդող կազմը իրավունք ունի հյուրեր ընդունելու: 3Հովհ.5-8;
,,,• Առաջնորդող կազմը իրավունք ունի ծրագրեր մշակելու: Գործք.8:14;
,,,• Առաջնորդող կազմը իրավունք ունի ձեռնադրելու, մկրտելու, ՙՏերունական ընթրիք՚ տալու, թաղման արարողություն կատարելու, պսակադրելու, եկեղեցում Աստծո դատաստանը ներկայացնելու` պատժելու կամ պատժից արձակելու, որևէ մեկի ծառայությունը հաստատելու կամ դադարեցնելու: Մտթ.16:18,19; 18:18,19; Գործք.13:1-3; Եփ.4:12; 2Թսղ.3:14; 1Տիմ.4:14;
,,,• Առաջնորդող կազմը իրավունք ունի ֆինանսական ծախսեր անելու: Գործք.4:34,35; (հաշվետու լինելով գործող անձնակազմին):
,,,• Առաջնորդող կազմը իրավունք ունի անհատ ծառաներից հաշվետվություն պահանջելու` իրենց ծառայության հետ կապված: Գործք.11:1-4;
|
|
Բ. ԵԿԵՂԵՑՈւ ԱՆՀԱՏ ԾԱՌԱՆ
Այս բաժնում ևս կուսումնասիրենք երեք ենթաբաժիններ.
|
Բ.1. Ո՞վ է եկեղեցու անհատ ծառան
,,,Եկեղեցում անհատ ծառա նա է, որն իր ծառայության համար Աստծուց իրեն եղած շնորհի մեջ ճանաչված է եկեղեցու գործող անձնակազմի կողմից և առաջնորդող կազմի կողմից էլ ձեռնադրությամբ հաստատված է: Գործք.13:1-3; 1Տիմ.4:14; 2Տիմ.1:6;
|
Բ.2. Եկեղեցու անհատ ծառայի պարտականությունները
,,,• Եկեղեցում անհատ ծառան պարտավոր է հավատարմությամբ ծառայել իրեն հանձնարարված գործում և պետք է իմանա, որ իրեն հանձնարարված տնտեսության սեփականատերը ինքը չէ: Ինչպես նաև պետք է պատրաստ լինի հաշվետու լինելու առաջնորդող կազմին և ամեն նոր ծրագրեր և նոր վարդապետություններ ներկայացնի եկեղեցու գործող անձնակազմին` մինչ դրանց գործի դնելը, և սպասի նրա որոշմանը: Գործք.21:17-19;
,,,• Եկեղեցում անհատ ծառան իրեն հանձնարարված գործում պետք է առաջնորդվի Աստծո խոսքով և Սուրբ Հոգով: Գործք.20:27,28; 1Տիմ.4:13-16; 2Տիմ.2:15; Տիտ.1:1; 2:7,8;
|
Բ.3. Եկեղեցու անհատ ծառայի իրավունքները
,,,• Եկեղեցում անհատ ծառան իրավունք ունի իրեն հանձնարարված գործում հսկել և կարգավորել` հոգ տանել: 1Տիմ.1:3,4; Տիտ.1:5;
,,,• Եկեղեցում անհատ ծառան իրավունք ունի մասնակցելու ցանկացած մարդու անձնական գործերին, եթե տվյալ անձի կողմից իրավունք է ստացել: Հովհ.4:40; Գործք.16:13-15;
,,,• Եկեղեցում անհատ ծառան իրավունք ունի իր ծառայության հետ կապված բոլոր խնդիրները, առաջարկությունները և բողոքները ներկայացնել առաջնորդող կազմին: Ել.18:22; Գործք.15:1,2;
|
Գ. ԵԿԵՂԵՑՈւ ԳՈՐԾՈՂ ԱՆՁՆԱԿԱԶՄԸ
,,,Այս բաժնում նույնպես կուսումնասիրենք երեք ենթաբաժիններ.
|
Գ.1. Ովքե՞ր են գործող անձնակազմի անդամները
,,,Եկեղեցու գործող անձնակազմը կազմված է այն անհատ ծառաների միությունից, որոնք ընտրվել և առաջնորդող կազմի կողմից հաստատվել են սույն կազմի մեջ` ներառյալ առաջնորդող կազմի անդամները: Գործք.6:2-6;
|
Գ.2. Գործող անձնակազմի պարտականությունները
,,,• Եկեղեցու գործող անձնակազմը պարտավոր է առաջնորդող կազմի առաջարկած որոշումներն ընդունելու, եթե իրավացի և հիմնավոր առարկություն չունի: Գործք.6:4,5;
,,,• Եկեղեցու գործող անձնակազմը պարտավոր է իր ամեն որոշումներում առաջնորդվել Աստծո խոսքով և Սուրբ Հոգով: Գործք.1:20-26;
|
Գ.3. Գործող անձնակազմի իրավունքները
,,,• Եկեղեցու գործող անձնակազմը իրավունք ունի առաջնորդող կազմից պահանջելու նրա պարտականությունների կատարումը` թերացման դեպքում: Գործք.6:1,2;
,,,• Եկեղեցու գործող անձնակազմը իրավունք ունի քննարկելու առաջարկված ամեն նոր ծրագիր և վարդապետությունները և դրանց հետ կապված տա իր որոշումը: Գործք.15:6,7,22,23;
,,,• Եկեղեցու գործող անձնակազմը իրավունք ունի ընտրելու առաջնորդող կազմի և գործող անձնակազմի մեջ մտնող անդամներին, ինչպես նաև` բացահայտելու մյուս անհատ ծառաների կոչումը: Գործք.1:21-23;
|
| Ամփոփում. Եկեղեցին Հիսուս Քրիստոսին դարձած հավատացողների միաբան ժողովքն է` կանչված և առանձնացված Աստծո համար` նրա գլխավոր նպատակին հասնելու` Հիսուս Քրիստոսին նմանվելու:
,,,Եւ ամեն դարերում եկեղեցին պետք է Արքայության Ավետարանը քարոզի և ուսուցանի (առանց ավելացնելու և պակասեցնելու), կատարի մկրտություն` Հոր, Որդու և Սուրբ Հոգու անունով և Տերունական ընթրիք: |
|
|
|
