<<Թեև Աստված մարդուն ստեղծել է Իր փառքի համար, սակայն մարդը մեղանչելով պակասեց, այսինքն չհասավ այդ փառքին, որը Աստված նախատեսել էր նրա համար: Հռ.3:23; Բայց Աստված Քրիստոս Հիսուսով վերականգնեց այդ հնարավորությունը: Փառքին հասնելու համար մարդուն պետք է Քրիստուսին հավատալ, որովհետև փառքը նախատեսված է բոլոր նրանց համար, ովքեր Քրիստոսին հավատալով ունենում են վերստին ծնունդ և որդեգրություն Հռ.8:17;
<<Ամեն մարդու վրա Աստծուն փառավորող բազմաթիվ կողմեր կարող են լինել և այդ կողմերն ու արտահայտությունները տարբեր մարդկանց վրա կարող են տարբեր կերպ արտահայտվել: Օրինակ` մեկի մոտ կարող է երևալ աստվածային իմաստությունը, մյուսի մոտ` գիտությունը, մեկ ուրիշի մոտ` ուսուցանելու շնորհը և այլն:
<<Փառավորումն էլ սրբացման նման ունի երկու կողմ.

<<Ա. ՓԱՌԱՎՈՐ ԴԻՐՔ - իշխանություն, պաշտոն, պատվավոր քաղաքացիություն, փառավոր կոչում` անվանում և այլն:
<<Փրկվածին` վերստին ծնվածին Աստված արդեն տվել է փառավոր դիրքը, որը Քրիստոսումն է` Քրիստոսինը լինելով: Հովհ.17:22; Հռ.8:29,30; Եփ.1:19-23; 2:5,6; Կող.3:1-4;

<<Բ. ՓԱՌԱՎՈՐ ՎԻՃԱԿ - առողջություն, գեղեցկություն, կարողություն, իմաստություն, սրբություն և այլն:
Մարդը վերստին ծննդով դրվում է փառավոր դիրքի մեջ և այդ դիրքի համեմատ պետք է աճի փառավոր վիճակի մեջ` գնա փառքից դեպի փառք: 2Կոր.3:18;
<<Եփ.5:26,27; «Որպեսզի Իր առջև փառավոր կանգնեցնի եկեղեցին, որ ոչ մի արատ կամ կեղտոտություն չունենա»: Այս համարում սրբությունը որպես փառք է ներկայացված: Սակայն եթե հավատացյալը փառավոր դիրքի համեմատ փառավոր վիճակի մեջ չաճի, նա կկորցին իր ստացած փառավոր դիրքը: Հովհ.15:4-6; Եփ.5:1,5-7;
<<Ուրեմն` փառավոր վիճակի մեջ աճելու համար նախ փառավոր դիրքի մեջ կանգնել է պետք, իսկ փառավոր դիրքը պահելու համար փառավոր վիճակի մեջ աճել է պետք: Եւ փառավոր դիրքի մեջ դնողն ու փառավոր վիճակի մեջ աճեցնողը Աստծո փառքի Հոգին է` Քրիստոսի կատարած գործի հիման վրա: 2Կոր.3:18; 1Պետ.4:14;
<<Թեև վերը նշվեց, որ առողջությունը, գեղեցկությունը, կարողությունը, իմաստությունը, սրբությունը և նման վիճակները մարդու համար հանդիսանում են որպես փառք, սակայն հարկ է նշել, որ մարդու ամենամեծ փառքը Ինքը` Աստված է: Երեմ.2:10,11;